Advertise on podcast: Video rekkinn

Í þætti dagsins fáum við til okkar góða gesti, en það eru MH-ingarnir Ragnheiður Gréta og Egill Arnarsson. Við fáum aðeins að skyggnast inn í MH lífið, fáum að kynnast borða skipulaginu og hvort týpuálagið sé mikið. En mestum tíma verjum við í að fjalla um bíómyndina Primetime. En sökum þess að aðeins þáttastjórnendur höfðu farið á The Invite í vikunni fékk hún aðeins minna rými en hún átti skilið í lok þáttar.

Í þætti vikunnar fjöllum við um nýjustu Resident Evil-myndina, sem kom út fyrir skemmstu. Við treystum okkur ekki ein í þetta verkefni og fengum því mesta tölvuleikjasérfræðing sem við þekkjum í þáttinn til að hjálpa okkur að kryfja málin.

Það er af nógu að taka í þessum nýjasta þætti Video Rekkans. Við byrjum þáttinn á stuttu viðtali við Höskuld Þór Jónsson, leikstjóra Hvar er draumurinn, en við fjölluðum einmitt um þá mynd í síðasta þætti. Við fjöllum einnig stuttlega um heimildarmyndina Þetta er ekkert mál sem nú fagnar 20 ára afmæli og er af því tilefni aftur komin í bíó. En mestum tíma verjum við í umfjöllun okkar um hina stórkostlegu bíómynd Pressure, eða Loftþrýstingur á íslensku, æsispennandi mynd um veðurfræðing sem bjargar mannslífum.

Þetta er orðið að nær vikulegum viðburði hjá okkur að skella sér tvisvar í bíó, og að þessu sinni tókum við fyrir Tony, sem fjallar um eitt sumar í lífi lífskúnstnersins Anthony Bourdain. Svo var ekki verra að hin myndin sem við sáum var ný, íslensk söngvamynd með lögum Sálarinnar hans Jóns míns, Hvar er draumurinn? En meira um þetta allt saman í nýjasta þætti Video Rekkans.

Að þessu sinni tekur Video Rekka tvíeykið fyrir tvær mjög ólíkar myndir sem voru frumsýndar í vikunni. Annars vegar Motor City, sem er tilraun til að gera 90mín hasarmynd án þess að talað sé í myndinni, hinsvegar fórum við á frumsýningu á nýrri íslenskri heimildarmynd, Um tímann og vatnið.

Í þætti dagsins ræðum við nýafstaðna Menningarnótt, haustið sem er að fara að byrja og pökkun í ferðatösku.  En mestu tíma verjum við í að fjalla um myndina The End of Oak Street, en þar til aðstoðar fáum við Bíófíkilinn Kjartans Rúnarsson. ATH að það koma spoilers frá 38 mínútu.

Í þætti dagsins ræðum við stóru mál vikunnar sem nú er að líða, sólmyrkvann, Stjörnu-Sævar og ESB. Hildur er með stutt íslenskunámskeið fyrir Ragga og að lokum fjöllum við um rómantísku gamanmyndina One Night Only, en við höfðum sitthvað um hana að segja.

Ekkert messufall í dag, bara smá sein, en í þessum extra stutta þætti ræðum við heima og geima eins og vanalega. Endilega kíki á þetta. En mynd vikunnar er Mamma Mia sem við fórum á í Bíó Paradís :)

í þætti dagsins ræðum við útilegur, bæjarhátíðir og margt annað. En fyrst og fremst ræðum við nýjustu Marvel myndina Spider-Man: Brand New Day.  Í lok þáttar förum við yfir það allra nauðsynlegasta sem þú þarft að horfa á áður en næsta Marvel veisla dettur í hús Doomsday.

Það var engin bíómynd frumsýnd á Íslandi í nýliðinni viku þannig Video rekka tvíeykið skellti sér á föstudagspartísýningu í Bíó Paradís og kultklassíkina Muriels Wedding.

Í þætti dagsins höldum við yfirferð okkar um bæjarhátíðir áfram, við ræðum stóra tröppumálið en mestu tíma verjum við í hina epísku ræmu, The Odyssey.

Í þætti dagsins ræðum við um þegar frægir hitta fræga, bæjarhátíðir um land allt næstu helgi. Við ræðum evrópusambandið á mjög grunnan máta en mestum tíma verjum við að ræða um nýjustu Evil dead myndina Evil Dead Burn.

Í þætti dagsins förum við á dýptina um bæjarhátíðir sem eru haldnar um allt land. Við ræðum HM í fótbolta og tölum svo smá um nýjustu Minions myndina, Minions & Monsters. Þetta er svona meira bæjarhátíðarþáttur þessa vikuna frekar en kvikmyndahlaðvarp 😂

Í þætti dagsins ræðum við bæjarhátíðir á Íslandi af mikilli ástríðu, aðallega af því að okkur finnst myndin sem við ræddum svo afspyrnu leiðinleg. En svona er þetta: nýr mánudagur, nýr þáttur

Í þætti dagsins tölum við um 17 júní, æsta aðdáendur, HM í fótbolta og eina rosalegustu kung fu mynd sem þetta tvíeyki hefur nokkurn tíma séð.